我啲年终旅游就咁样冇咗了……真系……
从日本改到香港，从香港改到海南，从海南改到深圳，从深圳改到厦门，今日开会嘅时候我问老细，我后日去北京开会，返嚟后我啲就要开年会，咁我啲咩时去旅游啊？
老细好干脆嘅答我，旅游唔去了。
顿时，我感到会议桌上嘅气氛瞬间跌倒零下20度，我仲睇到好多冰块同埋黑线从天而降，冻得我啲连话都说唔出。
突然间，我谂到董建华，点解会谂到董建华呢？因为子华在佢嘅SHOW《冇炭用》里有提到咁样一段，董建华信誓旦旦承诺香港每年会有8万5嘅房（即现在的经济适用房）来缓解房价高涨嘅问题，但系后来，冇下文了。有人问佢，你讲嘅8万5呢？去边度了？佢答，8万5已经唔存在了……
宜家，我都要讲一句，旅游，已经唔存在了……冇咗啦！
之后，你问老细，我嘅奖金呢？佢答，奖金？已经唔存在了……
明年，老细问你，你都唔好好做嘢！？你答佢，做嘢？呢份工已经唔存在了……
真系，我啲生活时刻都充满咗栋笃笑……
